Қауіпсіздік ережелері

        Ақмола облысының білім басқармасы төтенше жағдайлар департаменті және Ақмола облысы әкімдігінің жанындағы қоғамдық қауіпсіздікті қамтамасыз етуде сервистік тәсілді енгізу жөніндегі ведомствоаралық топ өкілдерімен бірлесіп Көкшетау қаласында Қопа көлі және Красный Яр ауылы Қарасу өзені жағажайларында демалушы балалар мен ата-аналар арасында судағы қауіпсіз тәртіп ережелерін сақтау бойынша профилактикалық түсіндіру жұмыстарын жүргізіп, жадынамалар таратты.

Құрметті ата-аналар және балалар!

Жазғы кезең басталуына байланысты демалушылар суға жақын демалуға асығады. Егер Сіздер жазғы кезеңде суда балалардың қауіпсіздік ережелерін сақтамасаңыз, су айдындарында болу қуанышы сіздің демалысыңызға көлеңке түсіруі мүмкін. Өкінішке орай, облыста балалардың суға батып кеткен қайғылы оқиғалары тіркелді.

• балаларды су қоймаларына қараусыз жібермеуін сұраймыз;
• тек жабдықталған жағажайда шомылу және күнге қыздырыну қажет, ешқашан бейтаныс жерлерде шомылмаңыз!
• ластанған су қоймаларында шомылмаңыз!
• егер сіз жүзе алмасаңыз, суға белден жоғары кірмеуіңіз керек;
• суға шомылу кезінде балаларға шулы ойындарға рұқсат бермеңіз және өзіңіз ұйымдастырмаңыз - бұл қауіпті!
•  суда болу үшін 10-20 минуттан артық емес уақыт    ұсынылады, дене суытуы мен сіңір тартылуы пайда болуы мүмкін;
• сіз көпірлерден, пирстерден, тіпті өткен жазда шомылған жерлерде де суға сүңгімеңіз, өйткені бір жыл ішінде су деңгейі өзгереді, суда бөгде заттар болуы мүмкін.
• Құрметті ата-аналар, балаларыңызды, өздеріңізді және жақындарыңызды сақтаңыздар! Суда қайғылы жағдайларды болдырмауға бірге атсалысайық! Балалардың қауіпсіздігі өз қолымызда!